Өвчин үүсгэгч нь цайвар спирохет гэдэг нэг эст нян.
Тэмбүү нь бэлгийн зам, халдвартай хүний цус, эхээс урагт дамжин халдварладаг, өвчний явц олон үе шаттай явагддаг, хүний бүх эд эрхтэнг гэмтээдэг, удам дамждаг архаг удаан явцтай өвчин юм. Энэ өвчин өөрөө эдгэрнэ гэж байдаггүй.
Явцаар нь нууц үе, 1, 2, 3 дугаар үеийн тэмбүү гэж ангилна.
- Өвчний нууц үе нь 3-7 долоо хоног, зарим тохиолдолд 3-6 сар хүртлэх хугацаанд үргэлжилж болно. Спирохет нь арьс, салст буюу анх халдвар орсон тэр газар байрлана. Өвчний шинж тэмдэг илрэхгүй. Тэмбүүг таньж илрүүлэх боломжгүй.
- Нэгдүгээр үе нь 6-7 долоо хоног үргэлжилнэ. Хатуу яр гарах нь энэ үе эхэлснийг гэрчилнэ. Халдвар орсон газар (бэлгэ эрхтэн орчим, уруул шулуун гэдэс орчим) зөв дугуй ба зуйван хэлбэртэй ,өвчин эмзэглэлгүй, сууриараа хатуу яр гарна. Яр нь эмчилгээ хийлгээгүй нөхцөлд ч өөрөө эдгэрч зөөлөн, цайвар өнгийн сорви үлддэг. Харин цус сэлбүүлэх, бохир тариураар халдварласан үед өвчний 1-р үе явагдахгүй, шууд 2 дахь үеийн шинж илэрнэ. Энэ үед эмчилгээг эхэлбэл ямар ч хүндрэлгүй бүрэн эдгэрнэ. Серологийн шинжилгээ эхний 3-4 долоо хоног сөрөг байж болно.
- Хоёрдугаар үе нь хатуу яр гарснаас хойш 6-7 долоо хоногийн дараа эхэлдэг. Өвчин үүсгэгч цусаар дамжин бүх бие махбодоор тархдаг. Арьс, салст бүрхүүл дээр олон тууралтууд гарах, арьсны нөсөөжилт өөрчлөгдөх, үс унах зэрэг шинж илэрдэг. Тууралт богино хугацаанд гарах бөгөөд эмчилгээ хийгээгүй үед аяндаа арилах боловч энэ нь эдгэрсэн гэсэн үг биш. Энэ үеийн тэмбүү 2 сараас 2-3 жил үргэлжлэнэ. Серологийн шинжилгээ эерэг байна.
- Гуравдугаар үеийн тэмбүү нь халдвар авснаас хойш 3-5 жил болоод эхэлдэг. Хамгийн чухал эрхтэн болох тархи, зүрх, гол судас, нүд, мэдрэхүйн эрхтнүүдийг гэмтээдэг. Серологийн шинжилгээ сөрөг байна.
-
Тэмбүүтэй жирэмсэн эмэгтэй төрөхөөсөө өмнө эмчилгээ хийлгээгүй эсвэл дутуу эмчлэгдсэн бол амьгүй хүүхэд, төрөлхийн тэмбүүтэй хүүхэд төрөх магадлалтай.
Оношлох: ихэвчлэн судаснаас цус авч, цусан дах эсрэг бие илрүүлэх /серологийн/ шинжилгээ хийнэ. Хариу нь 24-72 цагийн дараа гарна.
Эмчилгээ үргэлжлэх хугацаа:
1-р үеийн тэмбүү 2 долоо хоног
2-р үеийн тэмбүү 3-4 долоо хоног
|
mny bodloor ygaan tuyatai zuil ni ong...
Сайн байна уу би одоо 18 настай анх х...
Удаж хариу өгч байгаад уучлаарай. Хэр...
Bi 18tai. sariin omnoos belgiin harit...
Тогтворжоогүй бол байж болно. Бас стр...