Сайн байна уу?
Би 2 сарын өмнө санамсаргүй байдлаар бэлгийн харьцаанд орчихсон юм. Тэгээд тэр явдлаас хойш нэг л биш юм шиг санагдах болсон. Өөрийнхөө ирээдүйдээ маш их санаа зовж байна. Хуучинсаг үзэл мэт байж болох ч өмнө нь бол би зөвхөн нөхөртөө л анхны бүхнээ өгнө гэж боддог байсан. Одоо харин надад ямар ч ирээдүй байхгүй болчих шиг, тэнгэр хөмөрчих шиг болсон.
Гэхдээ саяхнаас бас нэгэн асуудал надад гарч ирлээ. Сарын тэмдэгийн мөчлөг өөрчлөгдсөн. Энэ ч яахав доороос минь өнгөгүй мөртлөө муухай үнэртэй юм гарах болсон. Өдөр бүр дотуур хувцасаа сольдог ч орой болохоор л нөгөө муухай үнэр гарах юм. Шууд хэлэхэд шээс шиг мөртлөө миний бодлоор нөгөө үрийн шингэн нь юм шиг санагдаад байх юм. Мэдэхгүй юмаа. Энэ юу юм бол???
Надад туслаач

Хуучинсаг үзэл биш л дээ. Ялангуяа эмэгтэй хүн аль болох янз бүрийн хүнтэй хамаагүй бэлгийн харьцаанд ороод дэмий. Учир нь янз бүрийн бэлгийн замын халдвар энэ тэр өндгөвчний үрэвсэл энэ тэр үүсгэдэг.
Гэхдээ ганц нэг удаа хүнтэй унтлаа гээд хэтэрхий хүндээр тусгаж авах хэрэггүй байх. Цаашдаа сайн бодолтой байхгүй юу даа. Тэрнээс секс гэдэг тийм ч муухай юм биш жирийн л зүйл шүү дээ. Насанд хүрсэн хүн хийхэд буруу юм хийгээд байгаа биш. Хүн бүр л хийдэг зүйл болохоор.

Харин тэр муухай юм гарч байгаагаа эртхэн эмчид үзүүлж шинжилгээ өгөөрэй. Ямар нэгэн өвчин байвал эртхэн сайн эмчлүүлээрэй. Зүгээр байвал ядаж л үзүүлээд сэтгэлээ амраах хэрэгтэй. Гэхдээ л хэвийн биш юм гараад байгаа бол өвчин байх шүү. Үрийн шингэн бол юу боллоо гэж тэгээд байгаад байх вэ дээ. Нэг их удалгүй л арилна. Бас тийм их байхгүй. Амжилт хүсье!