Хүн бүр адилгүй болохоор сайн мэдэхгүй л юм. Гэхдээ 4 жил гэдэг бага хугацаа биш шүү дээ. Ер нь хүн хардуулаад, өөрт нь итгэхгүй байвал угаасаа эргээд тийм болоод хөндийрчихдөг юм шиг санагддаг. Гэхдээ үнэхээр ганцхан чамд хайртай бол яаж ч байсан салахгүй ч байж магадгүй. Гэвч л ихэнх хүн эрэгтэй эмэгтэй гэлтгүй байнга хардаад, өөрт нь итгэхгүй, эсвэл хэрүүл үүсгээд байвал дургүй болчихдог юм шиг байгаа юм. Өөртөө итгэлтэй байгаад, бусдаас илүү ухаалаг байгаад, гадна төрхөндөө анхаарал тавиад, бас халамжлаад чамаас илүү түүнийг хайрлах бүсгүй байхгүй гэдгийг ойлгуулаад, бас өөрийгөө түүний хувьд үнэ цэнтэй хүн байлгаад байвал яах ч үгүй шүү дээ. Зүгээр нэг охид хүүхнүүд бичсэнийх нь төлөө чи хардаад байвал өөрийгөө тэднээс дор үнэлээд сандраад байгаа л харагдана. Тоохгүй байгаад өөрийгөө хайртай гэдгээ ойлгуулж халамжилж, бас халамжийг нь хүлээж авч найз залуугаа ч бас өөртөө хэрэгтэй, мундаг гэж ойлгуулж, түүнд итгэж чадвал, бас хоёулаа үүрд хамт байна гээд, хамтдаа ирээдүйгээ мөрөөдөөд, яриад төлөвлөөд тэрнийхээ төлөө явбал замд тааралдаж байгаа бусад хүмүүсийг тоохгүй л явах байхаа. Бас найз залуугаа үнэнч гэдгээр нь магтаж байвал өөрийнхөө тэр нэр төрөө хадгалах байх.
Ер нь яахав уйдах энэтэр юм байдаг байж магадгүй. Тийм үед нь чи өөрөө санаачилгатай байгаад арай өөр заримдаа эелдэг нялуун, заримдаа бага зэрэг ихэмсэг тоохгүй энэ тэр байвал зүгээр байж магадгүй. Тэгээд хамтдаа дуртай юмыг нь хийгээд л ер нь түүний хувьд хэнээр ч юугаар ч солихгүй эрдэнэ, хайртай бүсгүй нь байгаад байвал хэзээ ч ялагдахгүй болов уу. Харин хэрүүл өдөөд, хардаад, уурлаад янз бүр болоод байвал залхаачихаж магадгүй л юм. Би тийм ч их туршлагатай биш ч ингэж бодож байна. Чи өөрөө бас сайн бодоод үзээрэй. 4 жил чамтай үерхэж байгаа бол яагаад одоо гэнэт өөр хүн рүү явна гэж айгаад байгаа юм бэ. Санаа зовох хэрэггүй байх гэж бодож байна.
|