Зөвлөгөө |
Нүүр гарын хуучирсан алчуурыг давстай усанд буцалгаж угаавал зөөлөрнө.
Бэхний толбыг цэвэр спиртээр норгосон хөвөнгөөр арчиж, халуун индүүгээр индүүднэ. * Хөлний өсгийн арьс хагарч сайртвал оймс тэсгээдэггүй. Үрэгчээр үрээд ч нэмэргүй. Тэгвэл та унтахын өмнө нухсан төмсийг өсгийндөө тавиад гялгар хүүдийгээр боогоод унт. Өглөө нь торгомсог болох бий. * Хамба хилэн хувцсанд тогтсон толбыг арилгахдаа ууран дээр барьж, нашатырын спиртээр норгосон цэмбээр арчдаг. * Уруулын будагны толбыг спиртээр, хумсны лакны толбыг ацетоноор тун болгоомжтой, даавууны өнгийг өөрчлөхгүй арчина. * Жимс, ногооны толбыг спиртээр арчина. Дараа нь усаар зайлна. Хэрэв спирт олдохгүй бол Fatru-гээр арчиж болох юм. * Кофе, какао, шоколадны толбыг ярвигтай гэлцдэг. Эдгээрийг глицеринээр арчиж арилгана. Мөн нимбэгний шүүсийг давстай хольж байгаад цэвэрлэж болох юм. Харин дараа нь заавал угаах шаардлагатай. * Зэвний ялимгүй толбыг нимбэгний шүүсээр хэд дахин арчиж, индүүдээд угаавал арилна. |
mny bodloor ygaan tuyatai zuil ni ong...
Сайн байна уу би одоо 18 настай анх х...
Удаж хариу өгч байгаад уучлаарай. Хэр...
Bi 18tai. sariin omnoos belgiin harit...
Тогтворжоогүй бол байж болно. Бас стр...